ഒ​രു​ക്ക​ങ്ങ​ൾ ക​ഠി​ന​മെ​ന്‍റ​യ്യ​പ്പാ..! എ​രു​മേ​ലി ശ​ര​ണ​വ​ഴി​യി​ലേ​ക്ക്: പേട്ടതുള്ളി മലചവിട്ടാൻ ദി​വ​സ​വും ആ​യി​ര​ക്ക​ണ​ക്കി​ന് അ​യ്യ​പ്പ​ന്മാ​രെ​ത്തു​ന്ന ഇ​വി​ടെ ക്ര​മീ​ക​ര​ണ​ങ്ങ​ൾ പാ​തി​വ​ഴി​യി​ൽ

എ​രു​മേ​ലി: ശ​ബ​രി​മ​ല മ​ണ്ഡ​ല​കാ​ല​ത്തി​ലേ​ക്ക് ഇ​നി മൂ​ന്നു ദി​വ​സം മാ​ത്രം. ശ​ര​ണം വി​ളി​ക​ളാ​ൽ എ​രു​മേ​ലി മു​ഖ​രി​ത​മാ​കും. ആ​യി​ര​ക്ക​ണ​ക്കി​ന് അ​യ്യ​പ്പ​ൻ​മാ​രാ​ണ് ദി​വ​സ​വും എ​ത്തു​ക. ടൗ​ൺ റോ​ഡി​ൽ അ​ടു​ത്ത ദി​വ​സം മു​ത​ൽ വ​ൺ​വേ ട്രാ​ഫി​ക് ഏ​ർ​പ്പെ​ടു​ത്തും.

ക്ര​മീ​ക​ര​ണ​ങ്ങ​ൾപൂ​ർ​ത്തി​യാ​യി​ട്ടി​ല്ല 
സ​ർ​ക്കാ​ർ വ​ക ഉ​ൾ​പ്പെ​ടെ ക്ര​മീ​ക​ര​ണ​ങ്ങ​ൾ ഇ​നി​യും പൂ​ർ​ത്തി​യാ​യി​ട്ടി​ല്ല. അ​ടി​സ്ഥാ​ന സൗ​ക​ര്യ​ങ്ങ​ൾ​പോ​ലും ഇ​ത്ത​വ​ണ​യി​ല്ലെ​ന്ന ആ​ക്ഷേ​പം ശ​ക്ത​മാ​ണ്. വി​വി​ധ വ​കു​പ്പു​ക​ളു​ടെ ഓ​ഫീ​സു​ക​ൾ 16ന് ​ആ​രം​ഭി​ക്കും. പ​ക്ഷേ ഇ​തി​നു​ള്ള ത​യ്യാ​റെ​ടു​പ്പാ​യി​ല്ല. ദേ​വ​സ്വം ബോ​ർ​ഡി​ന്‍റെ വ​ലി​യ പാ​ർ​ക്കിം​ഗ് ഗ്രൗ​ണ്ടി​ൽ ഇ​നി​യും പ​ണി​ക​ൾ പൂ​ർ​ത്തി​യാ​യി​ട്ടി​ല്ല. സീ​സ​ണി​ന് മു​മ്പ് തോ​ടു​ക​ൾ ശു​ചീ​ക​രി​ക്കു​മെ​ന്ന പ്ര​ഖ്യാ​പ​നം ന​ട​പ്പി​ലാ​യി​ല്ല. താ​ത്കാ​ലി​ക ആ​ശു​പ​ത്രി​ക​ളു​ടെ​യും വി​ശു​ദ്ധി​സേ​ന​യു​ടെ​യും പ്ര​വ​ർ​ത്ത​ന​ത്തി​ന് ദേ​വ​സ്വം ബോ​ർ​ഡ് സൗ​ക​ര്യ​ങ്ങ​ൾ ഒ​രു​ക്കി​യി​ട്ടി​ല്ലെ​ന്ന് ആ​രോ​ഗ്യ വ​കു​പ്പ് പ​രാ​തി പ​റ​യു​ന്നു.

ഫ​യ​ർ ഫോ​ഴ്സ് യൂ​ണി​റ്റി​നു​ള്ള ഷെ​ഡ് നി​ർ​മി​ച്ചി​ട്ടി​ല്ല. പ​മ്പ സ്പെ​ഷ​ൽ സ​ർ​വീ​സു​ക​ൾ നാ​ളെ മു​ത​ൽ സ​ജീ​വ​മാ​കു​മെ​ന്നി​രി​ക്കെ കെ​എ​സ്ആ​ർ​ടി​സി ഓ​ഫീ​സി​ന് മു​റി​ക​ൾ ന​ൽ​കാ​മെ​ന്ന വാ​ഗ്ദാ​ന​വും ദേ​വ​സ്വം ബോ​ർ​ഡ് പാ​ലി​ച്ചി​ട്ടി​ല്ല. കെ​എ​സ്ആ​ർ​ടി​സി സ്റ്റാ​ൻ​ഡി​ൽ പ​ഞ്ചാ​യ​ത്ത്‌ ന​ട​ത്തി​യ കു​ഴി​യ​ട​ക്ക​ൽ കോ​ൺ​ക്രീ​റ്റ് ജോ​ലി​ക​ൾ പ്ര​യോ​ജ​ന​പ്പെ​ടി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

പോ​ലീ​സ് ക​ൺ​ട്രോ​ൾ റൂം 16​ന് പ്ര​വ​ർ​ത്ത​നം ആ​രം​ഭി​ക്കു​മെ​ങ്കി​ലും ടൗ​ണി​ലും പ​രി​സ​ര​ങ്ങ​ളി​ലു​മാ​യു​ള്ള 56 നി​രീ​ക്ഷ​ണ കാ​മ​റ​ക​ളി​ൽ പ​കു​തി​പോ​ലും പ്ര​വ​ർ​ത്തി​ക്കു​ന്നി​ല്ല.ക​ന​ത്ത മ​ഴ പെ​യ്താ​ൽ സം​സ്ഥാ​ന, ദേ​ശീ​യ പാ​ത​ക​ൾ തോ​ടാ​യി മാ​റും. മി​ക്ക​യി​ട​ത്തും ഓ​ട തെ​ളി​ക്ക​ൽ ന​ട​ത്തി​യി​ട്ടി​ല്ല. പ്ര​ധാ​ന റോ​ഡു​ക​ളി​ൽ ന​ട​ത്തി​യ താ​ത്കാ​ലി​ക കു​ഴി​യ​ട​യ്ക്ക​ൽ മ​ഴ​യി​ൽ പൊ​ളി​യാ​റാ​യ നി​ല​യി​ലാ​ണ്.

റോ​ഡി​ന്‍റെ വ​ശ​ങ്ങ​ളി​ലെ കാ​ടു​വെ​ട്ട് പൂ​ർ​ത്തി​യാ​യി​ട്ടി​ല്ല. സീ​ബ്രാ വ​ര​ക​ൾ, സെ​ന്‍റ​ർ ലൈ​ൻ വ​ര​ക​ൾ, റി​ഫ്ല​ക്ട​റു​ക​ൾ, അ​പ​ക​ട​സാ​ധ്യ​താ അ​റി​യി​പ്പ് ബോ​ർ​ഡു​ക​ൾ, ദി​ശാ​ബോ​ർ​ഡു​ക​ൾ തു​ട​ങ്ങി​യ​വ​യൊ​ന്നും പു​തി​യ​ത് സ്ഥാ​പി​ച്ചി​ട്ടി​ല്ല. പ​ഴ​യ ബോ​ർ​ഡു​ക​ളും ലൈ​നു​ക​ളും ചെ​ളി​യും അ​ഴു​ക്കും​മൂ​ലം മ​റ​ഞ്ഞ നി​ല​യി​ലാ​ണ്. സൈ​ൻ ബോ​ർ​ഡു​ക​ൾ, ഹം​പു​ക​ളു​ടെ പു​നഃ​ക്ര​മീ​ക​ര​ണം എ​ന്നി​വ​യൊ​ക്കെ നി​ർ​ദേ​ശ​ങ്ങ​ളി​ൽ ഉ​ണ്ടാ​യി​രു​ന്നെ​ങ്കി​ലും ന​ട​പ്പാ​യി​ല്ല.

പ​ര​മ്പ​രാ​ഗ​ത കാ​ന​ന​പാ​ത തെ​ളി​ക്ക​ൽ തു​ട​ങ്ങി​യെ​ങ്കി​ലും കോ​യി​ക്ക​ക്കാ​വ്, ക​ണ​മ​ല, അ​ഴു​ത എ​ന്നി​വി​ട​ങ്ങ​ളി​ൽ മെ​ഡി​ക്ക​ൽ സേ​വ​നം വേ​ണ​മെ​ന്ന ആ​വ​ശ്യം ന​ട​പ്പി​ലാ​യി​ട്ടി​ല്ല. കാ​ന​ന​പാ​ത​യി​ൽ ഓ​ക്സി​ജ​ൻ പാ​ർ​ല​ർ സൗ​ക​ര്യ​വു​മാ​യി​ട്ടി​ല്ല. പാ​മ്പി​ൻ വി​ഷ​ത്തി​നു​ള്ള ആ​ന്‍റി​വെ​നം, പേ​വി​ഷ​ബാ​ധ​യ്ക്കു​ള്ള മ​രു​ന്നു​ക​ൾ എ​ന്നി​വ എ​രു​മേ​ലി ആ​ശു​പ​ത്രി​യി​ൽ എ​ത്തി​യി​ട്ടി​ല്ല.

ക്ഷേ​ത്ര​ത്തി​ൽ പെ​യി​ന്‍റിം​ഗ്, മ​രാ​മ​ത്തു​പ​ണി​ക​ൾ അ​വ​സാ​ന ഘ​ട്ട​ത്തി​ലാ​ണ്. ഷ​വ​ർ ബാ​ത്ത് സൗ​ക​ര്യം, ശു​ചി​മു​റി​ക​ൾ തു​ട​ങ്ങി​യ​വ സ​ജ്ജ​മാ​ക്കു​ന്ന ജോ​ലി​ക​ൾ തീ​രാ​റാ​യി. ഇ​ത്ത​വ​ണ​യും താ​ത്കാ​ലി​ക വി​രി​പ്പ​ന്ത​ലാ​ണ് സ​ജ്ജ​മാ​ക്കു​ന്ന​ത്. അ​ഗ്നി​സു​ര​ക്ഷാ സേ​ന​യ്ക്ക് എ​രു​മേ​ലി, ക​ണ​മ​ല, കോ​യി​ക്ക​ക്കാ​വ്, അ​ഴു​ത, കാ​ള​കെ​ട്ടി എ​ന്നി​വി​ട​ങ്ങ​ളി​ൽ സേ​വ​നം ന​ൽ​കു​ന്ന​തി​ന് സൗ​ക​ര്യം ഒ​രു​ക്കാ​ൻ വൈ​കു​ക​യാ​ണ്.

ദേ​വ​സ്വ​ത്തി​ന്‍റെ​യും ജ​മാ​അ​ത്തി​ന്‍റെ​യും സ്വ​കാ​ര്യ വ്യ​ക്തി​ക​ളു​ടെ​യും ഉ​ൾ​പ്പെ​ടെ 12 പാ​ർ​ക്കിം​ഗ് മൈ​താ​ന​ങ്ങ​ൾ സ​ജ്ജ​മാ​ണ്. ഇ​വി​ട​ങ്ങ​ളി​ൽ ഉ​ൾ​പ്പെ​ടെ ടൗ​ൺ പ​രി​സ​ര​ങ്ങ​ളി​ലു​മാ​യി നൂ​റി​ൽ​പ​രം താ​ത്കാ​ലി​ക ക​ട​ക​ളാ​ണ് തു​റ​ന്നി​രി​ക്കു​ന്ന​ത്.